இனிய பொங்கல் நன்நாளில் இதமுடன் வாழ்த்துகிறோம். - ஜோதிட தம்பதி..
சூரிய பகவான் வடக்கு நோக்கி உதிக்கத் தொடங்கும் மாதம் தை மாதம்... உத்ராயண புண்ய காலம்..மகர சங்கராந்தி என்னும் தை முதல் நாள் விழா.. இந்தியருக்கும் முக்கியமாக ஒவ்வொரு தமிழருக்கும் பெருமை சேர்க்கும் - பண்பாட்டை பக்குவப்படுத்தும் தெய்வீகத் திருவிழாவாக - தைப் பொங்கல் என்று, மனமும் வாயும் மகிழும் வண்ணம் இனிப்பான இனிமை சேர்க்கும் ஓர் அற்புதத் தெய்வீகத் திருவிழா..
வண்ணமய இத்திருநாளில் தான் சூரிய பகவான் மகர ராசியில் பிரவேசம் செய்வதுடன், அதனை ஒவ்வோர் வீடடிலுள்ளவர்களும், அவரவர் சிந்தனைக் கேற்ப, மகிழ்ச்சியை மையமாக வைத்து, வீட்டு வாசலில் வண்ணக் கோலங்கள் இட்டு, மாவிலைத் தோரணமும், மஞ்சள் கொத்து சூடி, மண் பானையிலே சூரியஒளியிலே சூரியனார்க்கு நன்றி சொல்லும் பாங்கில், பச்சரிசி, பால், நெய், வெல்லம் மற்றுமுள்ள சுவை சேர்க்கும் இனிமையாக முந்திரி, ஏலம், அண்டிப்பருப்புடனே, பொங்கல் பொங்க வழிபடுவதில் உள்ள அர்த்தமுள்ள சுகம்.. அது ஆரவராமில்லாத அதே உள்ளங்களை உண்மை அன்பிலே உணரச்செய்யும் ஓர் அற்புத சுகானுபவம் தானே!..
தற்காலத்தில், பள்ளி, கல்லூரிகளிலே, பணிபுரியும் அலுவலகம், கம்பெனிகளிலே சமத்துவப் பொங்கல் என்ற அளவில் விழாக்களில் பங்கேற்று, இளம் சிறார்கள் முதல் பெரியவர்கள் வரை “ பொங்கலோபொங்கல்” என்று ஒருமித்த கோஷமிட்டு, வாயார ஒருவர்கொருவர் வாழ்த்து, மனதார மகிழ்வுடன் இருக்கும் இந்நாளில் அனைவருக்கும் இனிய பொங்கல் நல்வாழ்த்துக்கள்..!..
ஜோதிட தம்பதி
ரெங்கன் - உஷா.
14-01-2014.
Posts
